mohabato key nisaab jeysa

mohabato key nisaab jeysa,
wo ik chehra kitab jeysa,

mehakta hey meyray qalb-o-jaa'n mein,
wo shakhs khilty gulaab jeysa,

yaqee'n bhi hey wo meyray dil ka,
gumaa'n bhi hey saraab jeysa,

mein socho'n usko to toot ja'ay,
khayaal nazuk habaab jesa,

wo baansuri hay jo hont rakho'n
jo choo key dekho'n rubaab jeysa,

dhanak key rango'n mein wo chpa hey,
nigah-e-baara'n mein khuab jeysa,

mein uskey aagay na deikh paao'n
wo ik sarpa naqaab jeysa...!!!