Meri Soch Ke Gehre Paani Mein

Meri Soch Ke Gehre Paani Mein,
Tere Nain Kanwal Jab Hanste Hai,
Mere Dhyan Ke Ujle Aangan Mein,
Jab Subah Sitare Chunti Hai,
Jab ShaaM Koi Sur Bunti Hai,
Jab Andaishon Ki Baahon Mein,
Tere Saans Ka ReshaM Khulta Hai,
Jab Hare Kachoor Khilaon Mein,
Tere Jazbon Ka Zar Ghulta Hai,
Main Sochta Hoon, In Raaston Mein,
HuM Kitni Der Ke Baad Mile,
Jab Kitne MausaM Beet Gaye,
Is Qarb Kathoor Musafat Mein,
Dil Sadiyon Chakna Choor Hua,
Is Hijr Ke Tapte Sehra Mein,
Kya Gazlein Thi Jo Raakh Hui,
Kya Neendein Thi Jo Khaak Hui...