Bay khuloos logon se

Bay khuloos logon se
Ab Ijtinaab karna hai !
Mujhko apne rishton ka
Ahtisaab karna hai !


Kitni omer zeyan ki hai
Uss ko yad rakhne me !
Gham shuda sansoon ka
Kuch hisaab karna hai !


Yeh jo zameen hai meri
Is ka qarz hai mujh per !
Iss se ISHQ karna hai
Aur Be hisab karna hai !


Uss ko bhool jana hai
Uss ko yad rakhna hai !
Dukh toh aik jaisa hai
Bas Intikhab karna hai !


Woh to sirf aik aanso se
Mujhko maat de dey ga !
Uss ko Maine baaton se
La jawaab karna hai !!


Koi aam sa ik chehraa
Koi shaam sii Aankhein !
Maine apni Ghazlon ka
Intisaab karna hai !!!!!!!