Batao Dil Ki Baazi Mein , Bhala Kya Baat Gehri Thi

Batao Dil Ki Baazi Mein , Bhala Kya Baat Gehri Thi .. !!
Kaha Youn To Sabhi Kuch Thek Tha Par Maat Gehri Thi


Suno Barish ,Kabhi Khud Se Bhi Bhar Kar Koi Dekha Hai
Jawab Aaya.. Un Aankhon Kii Magar Barsaat Gehri Thi


Suno Tum Nay Hauley Sey Kaha Tha Kya, Batao Gey ??
Jawab Aaya... Kaha To Tha Magar Woh Raat Gehri Thi


Deya Dil Ka Sumandar Us Ney, Tum Ne Kya Kiya Us Ka?
Humein Bus Doob Jana Tha Keh Woh Soghaat Gehri Thi


Waffa Ka Dasht Kaisa Tha Batao Tum Pey Kya Beeti ?
Bhatak Jana Hi Tha Hum Ko Wahan Per Rait Gehri Thi


Tum Us Ke Zikar Par Kyun Doob Jatey Ho Khyaalon Me
Rafaqat Aur Aadawat Apnii Us Key Saath... Gehri Thi


Nazar Aaya Tumhein Us Ajnabii Mein Kya, Batao Gey ?
Suno.. Qaatil Nigaahon Ki Woh Zalim Ghaat Gehri Thi !!