Yahi Chinaar Yahi Jheel Ka Kinaara Tha
Yahein Kisi Ne Mere Saath Waqt Guzara Tha
Nazar Mein Naqsh Hai Subh-e-Safar Ki Veerani
Bas Aik Main Tha Aur Ek Subha Ka Sitaara Tha
Mere Khilaaf Gawahi Mein Paish Paish Raha
Wo Shakhs Jis Ne Mujhe Jurm Per Obhara Tha
Khiraaj Deta Chala Aa Raha Hun Aaj Tak
Main Ek Rooz Zamane Se Jang Hara Tha
Mujhe Khud Apni Nahin Uski Fikar Hai Aamir
Bicharne Wala Bhi Mujh Sa He Baysahara Tha
1 Comments
very niceeeeeee
ReplyDelete