aankhoon se rang, baat ka lehja badal gaya
woh shaks aik raat main kaisa badal gaya
kuch din to mera aks raha ainay pe naqsh
phir yun hua k khud mera chehra badal gaya
jab apne apne haal pe hum tum na reh sake
to kya hua jo hum se zamana badal gaya
qadmoon talay jo rait bichi thi woh chal pari
us ne churaya haath to sehra badal gaya
koi bhi cheez apni jaga par nahi rahi
jate hi aik shaks k kya kya badal gaya
ik sarkashi ki mauj ne kaisa kiya kamal
woh benayaz sare ka sara badal gaya
0 Comments